வரதட்சணையும் வராத அர்ச்சனையும்

தலையில் வெள்ளி எட்டிப்பார்த்தபோது
பித்தத்தால் இளநரை என்றேன்
தசையில் சுருக்கங்கள் கண்டபோது
சுத்தமில்லாத சென்னை என்றேன்

வரதட்சணை கொடுக்க இயலாத அப்பா
உனக்கு எத்த வரன் இன்னும் அமையல என்றார்
வரனோ வேலையோ தேட முயலாத தம்பி
உனக்கு அப்புறம்தான் நானா என்றான்

அலுவலகத்தில் ஆண் ஒருவர்
இரட்டை அர்த்தத்தில் பேசுகிறார்
வலுவிழந்த என் பாட்டி கூட
செல்லாக்காசு என்று ஏசுகிறார்

மெட்டியும் தாலியும் பாரம் என்று
வீட்டில் கழட்டி வைக்கும் தோழி
சில்லறைக்கு அலையும் ஆண் சமுதாயத்தால்
கல்லறை வரை மணமேடை கனவாகிப்போன

என் போன்ற முதிர்கன்னிகளிடம் கேளுங்களேன்
இல்லறம் எத்தனை சுகமானதென்று
மஞ்சள் எவ்வளவு மதிப்பானதென்று
மெட்டி எவ்வளவு அழகானதென்று

- அ௫ண்